شعر: العهود
سِرّ الْحَيَاةْ
الْحِبّ سِرْ الْحَيَاةْ، وْمَصْدَرْ الرَّاحه
وْمْحَبَّةْ اللّه.. تِحَبِّبْنَا بِخَلْق اللّه
نِحِبّ الاِنْسَانْ.. دُوْن شْرُوْط فَضَّاحه
مِجَرَّدْ انْسَانْ.. دُوْن أحْكام وَادِلِّهْ
نِعِيْش فِيْ حِبّ وِالأرْوَاحْ لَمَّاحه
تَآلِفَتْ فِيْ رِحَابْ الله وْفِيْ ظِلِّهْ
مَنْ طَابْ جِيْنَاهْ.. وِاللَّى غَابْ بِجْرَاحه
مَا نِكْرَهه، لَوْ كَرَهْنَا مِنْه.. فِعْلٍ لِهْ!
تَكْفِيْ مِنْ الْحِبّ نِيَّةْ صِدْق وَضَّاحه
مَا تِنْتِظِرْ لِلْمِقَابِلْ.. تَبْرِيْ الْعِلِّهْ
وْيِكْفِيْ مِنْ الْحِبّ عَنْ تَفْسِيْره إيْضَاحه
تِنَفَّسْ الصِّبْح مِنْه.. وْضَوَّتْ آهِلّه
الْحِبّ أصْل الْحَيَاةْ، وْسِرِّهْ الرَّاحه
لاَ حَبِّك اللّه وْحَبَّبْ فِيْك خَلْق اللّه
