حَفْلَةْ زَهَرْ
ت + ت - الحجم الطبيعي
اللَّيْلِهْ الْجَوّ مِنْ ذِكْرَاكْ (رُوْمَنْسِيْ)
مَاضِيْك حَاضِرْ تِعَطِّرْ جَوِّيْ عْطُوْره
فِيْ رِكِنْ هَادِيْ وْضَيِّهْ خَافِتْ.. وْمَنْسِيْ
لِكْ وَرْد ذَابِلْ.. وْغَرْشَةْ عِطِرْ مَكْسُوْره
يَوْم أسْتِعِيْدِكْ كَأنِّيْ مِسْتِعِيْد أمْسِيْ
زَهْر النِّفَلْ يِحْتِفِلْ فِيْ أرْض مَمْطُوْره
مِنْ يَوْم يَوْمِيْ وَانَا حِلْمِيْ وْمِنَى نَفْسِيْ
غِرٍ غِيَابِهْ يِنَسِّيْ الشَّاعِرْ غْرُوْره
بَعْثَرْت ذِكْرَاكْ مِسْك وْعَطَّرَتْ هَمْسِيْ
وِتْكَسَّرْ الْقَلْب دَمْع وْهَلّ بَلُّوْره
مِجَرَّدْ الذِّكْرِيَاتْ تْعِيْد لِيْ إِنْسِيْ
وِشْ عَادْ لَوْ تِكْتِمِلْ بِحْضُوْرِكْ الصُّوْره
غَطَّيْت رِيْشَةْ خَيَالِيْ فِيْ مِدَى شَمْسِيْ
وْفـــــِ.. مْعَنَّقْ الشَّمْس لِكْ عَلَّقْت مَنْثُوْره
