دبــي

يَا حَظّ أهْل (دْبَيّ) بِـ (دْبَيّ)

تَحْوِيْ مَعَالِمْ كِلّ غرَّاتْ

 

كَنْهَا عِرُوْس تْحَلِّيْ الْغَيّ

أبْرَاجْهَا عِنْد الْمِجَرَّاتْ

 

(بُوْ رَاشِدْ) لْهَا رُوْح ٍ وْضَيّ

حَقَّقْ بِهَا كِلّ الطّمُوْحَاتْ

 

عَنْهَا الْحَكِيْ وَاللَّه انّه شْوَيّ

كِلْ يَوْم فِيْهَا اعْجَازْ وِاثْبَاتْ

 

مِتْمَيِّزِهْ مَا مِثْلَهَا شَيّ

فِيْهَا الأنَاسه وِالشَّرَاغَاتْ

 

أنَا افْتِخِرْ مِنْ دَارْ هَالْحَيّ

وِالْكِلّ يِفْخَرْ بِـ (الإمَارَاتْ)

 

تابعوا فكر وفن من البيان عبر غوغل نيوز