دَارْ الْمِلُوْك
سَلاَمْ يَا دَارْ الْمِلُوْك الْكِرِيْمِهْ
دَارْ الْفَخَرْ وِالْعِزّ يَا قَلْب الاِسْلامْ
يَا رَايَةْ التَّوْحِيْد عِشْتِيْ عِظِيْمِهْ
يَحْمِيْك رَبّ الْبَيْت عَامٍ وَرَا عَامْ
فِيْ ظِلّ حَلاَّلْ الأمُوْر الْجِسِيْمِهْ
خَادِمْ بِيُوْت الله (سَلْمَانْ) الاكْرَامْ
عَلَيْك حِفْظ اللّه.. وْرَبِّيْ يِدِيْمِهْ
مِنْ كِلّ ضَيْم.. وْ كِلّ حَاسِدْ.. وْ نَمَّامْ
مِنِّكْ خَذْ الْعَالَمْ شِمُوْخ وْ عِزِيْمِهْ
يَا اطْهَرْ بَلَدْ تَهْفُوْ لِهْ قْلُوْب وَاحْلاَمْ
فِيْك الْقِصِيْد يْزِيْن.. مَعْنَى وْقِيْمِهْ
وتْلِيْق فِيْك.. (النِّعْم).. وِالسَّبْعَةْ أنْعَامْ
انْتِيْ لِنَا شَمْس ٍ.. وْفَي ٍ.. وْدَيْمِهْ
وِانْتِيْ لِنَا دِرْع ٍ مِنْ الْبَاسْ.. وِحْزَامْ
مِنْ عَهْد (زَايِدْ) وِالْعِصُوْر الْقِدِيْمِهْ
وِاحْنَا مَعِكْ عَالْعَهْد شَعْبٍ وْحِكَّامْ