السِّكَّرْ الْمَعْقُوْد
سِنِيْن لِيْ وِمْنِيْن
وَانَا بْكفُوْف النَّوْد
فِيْ حِضِنْ مِحْجَرْ عَيْن
بَيْن الرِّمُوْش السُّوْد
عَايِشْ بِقَلْب الزَّيْن
وِالسِّكَّرْ الْمَعْقُوْد
مِن لُوْلُوْ (الْبَحْرَيْن)
هَمْس الْحَبِيْب عْقُوْد
يِشْبه مِذَاقْ التِّيْن
تَوَّهْ مِنْ الْعَنْقُوْد
نَفْح نْسِمِهْ نِسْرِيْن
وِالاَّ نِفَسْ مَوْلُوْد
مَا شِفْت فِيْ الْحَيِّيْن
مِنْ لِهْ عَلَيْه الزَّوْد
يَاقُوْتِةٍ مِنْ طِيْن
وِتْذَوِّبْ الْجَلْمُوْد..!!