«إبْشِرْ.. يَا الْفَلاحِيْ» شعر وإلقاء: سيف السعدي

إبْشِرْ.. يَا الْفَلاحِيْ

إبْشِرْ بْنَا بِحَزِّاتْ النِّزَالْ

رِفْقَةْ اكْرَامْ مَا فِيْنَا ذِلِيْل

عَرّبونا من أعْمَامْ وْخَوَالْ

مَا دَخَلْ رِسِّنَا الْعِرْق الدِّخِيْل

فِعْلِنَا الْوَاقِعِيْ مِثْل الْخَيَالْ

تِشْهَدْ رْجَالْ (حَاشِدْ) مَعْ (بَكِيْل)

مَا تِعِزّ الرِّجَالْ إلاَّ الْفِعَالْ

وْلا يَوَفِّيْ اللِّزَمْ غَيْر الأصِيْل

ما نِبىَ فِيْ الْبَلا سِيْر وْتَعَالْ

مِنْ تَعَزْوَى لِقَى الْفِعْل الْجِمِيْل

نَحْنِيْ بْقِدْرَةْ الله الْمُحَالْ

وْلا تِعَرْف الرِّجَالْ الْمِسْتَحِيْل

مِنْ تِوَقِّفْ عَلَى الْجِدّ الْحِبَالْ

مَا يِسُوْق النِّبِيْل إلاَّ النِّبِيْل

نِحْنَا أصْلَفْ مِنْ طْوَالْ الْجِبَالْ

وْنِحْنَا أكْرَمْ مِنْ اشْجَارْ النِّخِيْل

(الإمارات) حِبْلَى بِالرِّجَالْ

تَنْجِبْ أنْجَابْ جِيْلٍ بَعْد جيْل

يَا (الْفَلاحِيْ) لِكْ رْجَالٍ مِثَالْ

إبْشِرْ بْنَا إذَا شَبّ الْفِتِيْل

شعر: سيف السعدي