يا قلب

السبت 6 شعبان 1423 هـ الموافق 12 أكتوبر 2002 شعر: محمد سعيد المحرّمي يا قلب لا تحزَنْ على خِل غَدار اللى غدرنا يعل ربّي حسيبه ويا قلب لا تحزَنْ ترى ادريك صَبار العيب ما هو فيك ذا العيب عيبه ويا قلب لا تحزَنْ على كل ما صار قدرك ترى مرفوع مَحْدٍ قريبه ويا قلب لا تحزَنْ ولا تشغل أفكار كثر الفكر منّه همومٍ تعيبه ويا قلب لا تحزَنْ ولا تقبل أعذار اللي تعذر لا تلبّي طليبه ويا قلب دوّر لك محبّينٍ اخيار ناسٍ لهم في الحب عزٍ وطيبه خَلّك قوي الباس يا قلب جَبّار من راح عنْك أنساه ابْعِدْ وسيبه لا تفتكر تِرْجَاه وِتْصير محتار اللي خلقه فْ..يوم غيره يجيبه كم قلت لك يا قلب أمرار وامرار لى تعشقه تهواه لا تنتخي به درب الهوى ما ينسلك شوك واخطار واللي خطا بالشوك نفسه صويبه لا تعتمي يا قلب في حب مَكار ياما سقاك بْكاس مرٍ شريبه باع الغلا بالرخص بايع ونكار لي ناكرٍ للحب لا تستمي به

طباعة Email
تعليقات

تعليقات