قصيدة: طال السفر

شعر عمر بن محمد الخطيب أفنيت قلبي في غيابك وظلّيت دمعي على خدّي تزايد هميله أوّل تضحّكني وذا اليوم أبكيت قلبي قبِل عيني ولا فيك حيله طال السفر ولْمدّة الهجر عدّيت غيبتك خلّت لي همومٍ ثقيله يا مَن بعرش القلب عشت وتعلّيت يا مطبّب آهاتي وروحي العليله من سبّة الحرمان والبعد ونيّت عليك يا غايب ولا لي وسيله لو كان لي عِلْمٍ بمسكنْك مرّيت واشرح غرامٍ لك بقلبي أشيله أنا أبد يا عين في الراس ما اخطيت لكن غيابك طال مدّه طويله يشهد عليّ الله انا كم تمنيت أرتاح في قربك ولو كان ليله

طباعة Email
تعليقات

تعليقات