نــبــــراس

شعر: محمد بن ذيبان ما لك عليّه حق سِرْ شوف لك ناس غيري.. ولا لي فيك مثقال ذرّه إن كان لك عوده: لي شْروط لاباس عاوِدْ إذا عاوَد رهين المعرّه ماني قنوط ولا حياةٍ مع الياس عوِّضت من يسواك ألفين مَرّه به أفتخر وامشي مَرَحْ رافع الراس عالي وصيته في سديم المجرّه نجمٍ إذا حندس دجى الليل نبراس به نهتدي ونودِّع الليل درّه ضاهى بزوغ الفجر والنحر قرطاس خوفي عليك إن شفته تْموت حَرّه لون الشفق خَدّه.. وغصنٍ إذا ماس صوته يسلّي إن رمس بالمسرّه يمتاز بين الخود عَذْبات الالعاس مذهب ومن ربّاه لله درّه تمّت وصلّوا عد ما نَس نسناس لافي بطيبٍ من مرابع مقرّه يِرْسل عنه وِتْخبّر الناس من ساس سبحان رب العرش بالحسن بَرّه بن (اليمن) كيفي إذا طاب نَعّاس بالنوم.. وارْشِفْ م الأمرّين مُرّه

تعليقات

تعليقات