سعد

شعر: عبدالله بن يميع أحبّك لو تعذّبني وتاخذني جداك خْطاي لأن الحب من حبّك وشوفك جنّتي وِمْناي أشوف السعد في عينك ووجهك بالفَرَحْ مطلاي وشفاه بْها شفا روحي ومنها علّتي ودواي وثغرٍ يبتسِمْ عن بيض قماشٍ غالي منقّاي وعودٍ معتزل م الوسط وخصرٍ هايفٍ ملواي عليه ميّدلٍ جاني سواد الليل به مكساي ونور البدر من نورك تلالا من تحت اْلغشاي إذا تقبل ضحك قلبي وبشّت لك جميع اعضاي أنا مفتون بك مغرم وهذي في الهوى بلواي وصبري يَذّ به حيلي رفعت لْخالقي شكواي