00
إكسبو 2020 دبي اليوم

غِنْوَةْ الشَّمْس

عَامٍ طِوَيْتِهْ وْوَدَّعْتِهْ مَعْ احْزَانِهْ

وْعَامْ أرْتِجِيْ تَفْرِدْ الْفَرْحه أيَادِيْهَا

 

أمْسِيْ تِنَاسَيْتِهْ وْصَكَّيْت بِيْبَانِهْ

وِالشَّمْس بَاكِرْ مَعِيْ غِنْوَهْ بَاغَنَّيْهَا

 

الْحَظّ لَوْ خَانِنِيْ أوْ مَالَتْ أغْصَانِهْ

بَاتْعَبْ لِرُوْحِيْ وْبَاحَقِّقْ أمَانِيْهَا

 

ضِلُوْع صَدْرِيْ مِنْ الْكِتْمَانْ مَلْيَانِهْ

وِعْرُوْقِيْ يْدِبّ صَمْتِيْ دَايِمٍ فِيْهَا

 

كِبَرْت أزِمّ الْحَكِيْ بِشْفَاهْ ذَبْلانِهْ

كِلْمَاتِيْ آدِسّ صَوْتِيْ فِيْ مَعَانِيْهَا

 

يَعْجِبْنِيْ غْمُوْضِيْ وْتَغْرِيْنِيْ ألْوَانِهْ

لَوْ ضِقْت.. شَكْوَايْ مَا بَانَتْ خِوَافِيْهَا

 

بَاوْرَاقِيْ أدْفَى لَوْ انِّيْ كِنْت بَرْدَانِهْ

وَاتْلَحَّفْ إحْسَاسِيْ وْذِكْرَايْ أنَادِيْهَا

 

لا شِفْتِنِيْ مِنْ حَيَاتِيْ حَيْل زَعْلانِهْ

أهْدَيْت نَفْسِيْ قِصِيْدِهْ لاجْل أرَاضِيْهَا

 

طباعة Email