العد التنازلي لإكسبو 2020 دبي

    ابْتِسَامْ وِانْقِسَامْ

    أبْعَدْ مِنْ الشِّعر وَابْعَدْ مِنْ حِدُوْد الْكَلامْ

    لَيْلَةْ يِسِيْل الْكِحِلْ مِنْ مِحْجَرْ عْيُوْنها

     

    لَيْلَةْ تِدَلَّى جِفِنْهَا وِالْهِوَاجِسْ حِمَامْ

    رَفْرَفْ عَلَى الدَّارْ صِبْح وْحَطّ بِرْكُوْنها

     

    صَلاةْ رَبِّيْ عَلَى وَجْه النِّبِيْ وِالسَّلامْ

    عَلَى شِجَرْهَا الْمِرِيْف وْفَيَّةْ غْصُوْنها

     

    يَا نَجْمِةٍ تَحْت شِفَّتْهَا دِفَنْهَا الظَّلامْ

    خِجْلَتْ مِنْ الضَّيّ فِيْهَا وِانْطِفَى لَوْنها

     

    وَايْنَعْ رِطَبْهَا وْسَالْ الشَّوْق بَرْد وْسَلامْ

    لَيْن أثْقِلَتْ كَرْبَةْ النَّخْله وْعِرْجُوْنها

     

    وِتْبَسِّمَتْ لَيْن سَوَّتْ فِيْ الْعِرُوْق إنْقِسَامْ..!

    وِتْقَسِّمَتْ فِيْ الْعِرُوْق وْبَاحْ مَكْنُوْنها

     

    وَابْرَقْ تَحَتْ شَالْهَا الدَّاكِنْ رِفِيْف الْغُمَامْ

    لَيْن أمْطَرَتْ قَلْب عَاشِقْهَا وْمَجْنُوْنها

     

    طباعة Email