هَالَةْ النُّوْر

يَا غَرَامٍ فِيْ شَرَايِيْنِيْ

جَلّ مِنْ سَوَّاكْ وِاخْتَارِكْ

إنْت بَسّ اللَّى يِدَاوِيْنِيْ

تِرْجِمَانْ الشَّوْق بَاوْتَارِكْ

لَوْ ظِرُوْف الْوَقْت تَقْصِيْنِيْ

رَاضِي ٍ يَا زَيْن بَاقْدَارِكْ

مِنْ جَمَالِكْ تِرْتِوِيْ عَيْنِيْ

وْتِهْتِنِيْ رُوْحِيْ مِنْ أمْطَارِكْ

يَا شِفَا جَرْحِيْ وْتَكْوِيْنِيْ

وْطُبْ تَطْبِيْبِيْ لَهَبْ نَارِكْ

مَا لِغَيْرِكْ طَيْف يَغْرِيْنِيْ

عَايِشٍ فِيْ هَالَةْ أنْوَارِكْ

عَهْد مِنَّيْ بَيْنِكْ وْبَيْنِيْ

مَا أبَدِّلْ يَا الْغَلا دَارِكْ