زَلَّةْ الصَّاحِبْ

حَدَّتْنِيْ ظْرُوْفِيْ عَلَى بَعْض الْبِشَرْ وَانَا الْعِفِيْف

                  اللَّى يِعِيْش وْعِزِّتِهْ فَوْق الظِّرُوْف وْ نَابْهَا

لَوْ قَطَّعَتْنِيْ مَا لِقَتْ فِيْ جِعْبِتِيْ مِقْدَارْ زَيْف

                  أنْقَى مِنْ الْمَايْ الزِّلالْ النِيِّهْ .. وْ تِرْحَابْهَا

رَاقِيْ شِعُوْر وْ دَاخِلِيْ قَلْبٍ مِنْ الْغِيْره نِظِيْف

                  حَسْبِيْ عَلَى اللَّى أشْعَلْ الْغِيْره وْ فَكّ أبْوَابْهَا

مِنْ كِثِرْ مَا اخَافْ السِّقُوْط تْهِزِّنِيْ رِيْح الْخِرِيْف

                  وِالْكِلْمِهْ اللَّى مَا لْهَا وَالِيْ أحَسْب حْسَابْهَا

وَانَا مِثِلْ كِلّ الْبِشَرْ لِيْ فِكِرْ وِاحْسَاسٍ رِهِيْف

                  حَسَّاسْ لكِنْ زَلَّةْ الصَّاحِبْ أعَدْل نْصَابْهَا