فَخْر الرِّتَبْ

تِعْتَزّ فِيْك الرِّتَبْ وِتْلِيْق بِسْمُوِّكْ

كِلّ الْمَعَالِيْ يَا (بُوْ رَاشِدْ) عَلَى جَوِّكْ

لانّ الرِّتَبْ - سَيِّدِيْ - تَعْلُوْ مِنْ عْلُوِّكْ

بِالْعَزم مَا هِيْ بْكِلْمَةْ لَيْتِكْ وْ لَوِّكْ

تِسْتَاهَلْ (التَّاجْ وِالسَّيْفَيْن) هُبْ تَوِّكْ

تَاجْ التِّوَاضِعْ وْحِبّ النَّاسْ وِحْنُوِّكْ

 

وِ(النَّجْمِهْ) اللَّى سَرَتْ تِتْبَعْ سَنَا ضَوِّكْ

وِالاَّ الرِّتَبْ لَوْ سِمَتْ مَا طَالَتْ سْمُوِّكْ

 

مَجْدِكْ وْ جُوْدِكْ مِجَرَّتْهَا وْمَجْرَاهَا

تِرْقَى لْــــــــــــــــــ (حَمْدَانْ) هُبْ (حَمْدَانْ) يِرْقَاهَا