إضَاءَاتْ

مِنْ سَاءْ لِكْ لا لا تِرِدّ الإسَاءَاتْ

وِانْ شِفْت طَيِّبْ خَلِّلكْ أطْيَبْ شْوَيّهْ

وِاجْهَلْ رِدِيِّيْن الْفِعِلْ وِالْبِذَاءَاتْ

وْدَبِّرْ أمُوْرِكْ بِالسَّعِهْ وِالرِّوِيّهْ

وْ لا تِتْبَعْ اللَّى يَنْقِلُوْن الإشَاعَاتْ

كَلامْهُمْ بِالْكَذْب نِسْمَعْ دِوِيّهْ

أمَّا الِّذِيْ تَخْبِرْه كِلِّهْ كَرَامَاتْ

وَدَايِمْ تِشُوْفه بِالْعِزُوْم الْقِوِيّهْ

إجْعَلْ لِدَرْبِكْ مِنْ دِرُوْبه إضَاءَاتْ

هذا الِّذِيْ مَا هُوْ بْبَايِعْ خِوِيِّهْ