00
إكسبو 2020 دبي اليوم

شعر: ذياب بن غانم المزروعي

نِوَاوِيْر الذَّوْق

ت + ت - الحجم الطبيعي

نَظْرَةْ عِيُوْنِكْ سَوْلِفَتْ لِيْ عَنْ الشَّوْق

                     وَ انَا قِتِيْل الشَّوْق.. لَوْ شِفْتِنِيْ حَيّ

وِ الْبَسْمِهْ الْحِلْوه نِوَاوِيْر مِنْ ذَوْق

               إسْتَبْشَرَتْ رُوْحِيْ بِهَا وَ انْوَرْ الْحَيّ

حَسَّيْت كَنِّيْ لِلسِّمَا أرْتِفِعْ فَوْق

               مْن الْفَرَحْ.. وَ انْثِرْ عَلَى الْعَالَمْ الضَّيّ

إنْ كَانْ هذَا حِلْم يَا لَيْت مَا افُوْق

               وِ انْ كَانْ هذَا عِلْم.. قَرِّبْ لِيْ شْوَيّ

مَا يَمْلِيْ عْيُوْنِيْ مِنْ الْكَوْن مَخْلُوْق

               إلاَّ انْت.. وِ الدِّنْيَا بِدُوْنِكْ وَ لا شَيّ

يَا مِنْ كَلامِكْ يَشْفِيْ الْجَرْح وِ الْعَوْق

               عَوْقٍ طِوَاهْ الْبَيْن فِيْ مِهْجِتِيْ طَيّ

إنْتِهْ سَحَابَةْ حِبّ وِ خْدُوْدِكْ بْرُوْق

               وْ هَمْسِكْ مِطَرْ هَتَّانْ وِ عْيُوْنِكْ الْفَيّ

نَادَاكْ قَلْبِيْ لكِنْ الصَّوْت مَخْنُوْق

               قَفَّيْت عَنِّيْ وِ ظْلِمَتْ عِقْبِكْ.. (دْبَيّ) ..!

طباعة Email