00
إكسبو 2020 دبي اليوم

عِرُوس الشَّرق

إمَاره سَابِقَتْ رَكْب الْحَضَاره

لَهَا الأمْجَادْ تَارِيْخٍ وْسِيْره

 

أسِمْهَا دَوْم فِيْ الْعَالِيْ مِسَاره

بْحَاضِرْهَا وْ مَاضِيْهَا شِهِيْره

 

وْتِبْقَى (دْبَيّ) دَايِمْ فِيْ الصِّدَاره

رَعَاهَا شَيْخ بِجْهُوْدٍ كِبِيْره

 

يِوَاصِلْ لاجْلَهَا لَيْله بْنَهَاره

عِيُوْنِهْ دَوْم لِبْلادِهْ سِهِيْره

 

(رَقُمْ وَاحِدْ) مَعْ الْعَالَمْ شِعَاره

وْ لا يَرْضِيْ طِمُوْحه رَقُمْ غَيْره

 

(مْحَمَّدْ) شَيْخنا دَامْ انْتِصَاره

حِبَاهْ اللّه بَافْكَارٍ مِنِيْره

 

مْوَفَّقْ فِيْ أمَانِيْه وْقَرَاره

وْ لا يُوْجَدْ بْعَالَمْنَا نِظِيْره

 

وْنَالْ الْــ (إكْسِبُو) عَزْم وْجِدَاره

(إكِسْبُوْ).. (دْبَيّ) تِبْقَى بِهْ جِدِيْره

 

هَلا بِضْيُوْفِنْا بْدَارْ النِّدَاره

تَرَاحِيْبٍ مِنْ الْخَاطِرْ كِثِيْره

 

بِكُمْ تِفْخَرْ وْتِسْعَدْ بِالزِّيَاره

عِرُوْس الشَّرْق فِيْ شِبْه الْجِزِيْره

 

طباعة Email