00
إكسبو 2020 دبي اليوم

شَمْس الْحَقِيْقة

تْحَوَّلَتْ شَمْس الْحَقِيْقِهْ لِلزِّوَالْ

وِالْكِبْر خَلَّى نِعْمَةْ الْجَاهِلْ تِزُوْل

 

النَّاسْ مَا صَارَتْ تِحِبّ الإعْتِدَالْ

تِقَلِّبَتْ كَنْهَا تِقِلاَّبْ الْفِصُوْل

 

وِالطِّيْب إنْ عَدَّيْت رَاسِهْ رَاسْ مَالْ

لا مَالْ وَقْتِكْ مَا يِجِيْ عِنْدِهْ مِيُوْل

 

يشِيْل عَنْك اللَّى مَاْ شَالَتْه الْجِمَالْ

لَوْ أنْهَكَتْ ظَهْره ثِقِيْلاتْ الْحِمُوْل

 

أحْيَانْ بَعْض الْهَرْج مَا وِدِّكْ يِقَالْ

وَاحْيَانْ بَعْض الصَّمْت تِلْقَى لِهْ قِبُوْل

 

كَمْ وَاحِدٍ صَامِتْ وِاذَا جَا لِهْ مِجَالْ

السَّالْفِهْ لا قَالْهَا وِدِّكْ تِطُوْل

 

وِالنَّاسْ لا تَحْكِمْ عَلَيْهَا.. مِنْ خِلالْ

اللَّوْن.. وِالاَّ الشَّكْل.. وِالاَّ بِالأصُوْل

 

(مَسْجِدْ رَسُوْل اللّه) أذَّنْ بِهْ (بِلالْ)

وِاللَّى عِصَى رَسُوْلنا.. (عَمّ الرَّسُوْل)

 

كَمِّلْ عَلَى نَهْجِكْ وْلِلّهْ الْكَمَالْ

وِاعْرِفْ تَرَى فَرْق الْبِشَرْ فَرْق الْعِقُوْل

 

وْ لا تَنْسِجْ احْسَاسِكْ.. تَرَى نَسْج الْخَيَالْ

يَمْكِنْ يْخَلِّيْ صَاحِيْ الْعَقْل.. مْهَبُوْل..!

 

طباعة Email