00
إكسبو 2020 دبي اليوم

شعر: سيف السَّعْدي

الْجَمِرْ وِ الرِّيْح

ت + ت - الحجم الطبيعي

غِبَشْنَا.. وِالنَّخَلْ غَابَاتْ

              وْ كَنّ الصِّبْح طِفْل يْصِيْح..!

عَلَى خْدُوْد الزَّهَرْ عَبْرَاتْ

              مِنْ عْيُوْن الظَّلامْ تْسِيْح

تِمَاهَيْنَا صَبِرْ وِ سْكَاتْ

              زِمَانْ الصَّمْت وِ التَّبْرِيْح

مِتَى مَا تِلْتِقِيْ النَّظْرَاتْ

              سَنَابِلْ بِالثِّمَارْ تْطِيْح

عَلَى طُوْل الزِّمَنْ لَى فَاتْ

              مَحَبَّتْنَا (خِزَامْ) وْ (شِيْح)

فِتَاتْ الْمِسْك هَمْس يْبَاتْ

              تِتَمْتِمْ بِهْ شِفَاةْ (بْرَيْح)

نِعِلّ مْن الْهِوَى كَاسَاتْ

              مِنْ التَّلْمِيْح وِ التَّصْرِيْح

وِقَايِدْ عُوْد نَفْح الذَّاتْ

              وَانَا وِانْت الْجَمِرْ وِ الرِّيْح

لِنَا وْ ضَيّ الْبَدِرْ سَهْرَاتْ

              تَحَتْ لَيْل وْ نِجُوْم (السَّيْح)

رِشَفْنَا مِتْعَةْ اللَّذَّاتْ

              زِلالْ الْبَوْح وِ التَّلْمِيْح

طباعة Email