العد التنازلي لإكسبو 2020 دبي

    حنين الْجَلَدْ

    كَمّ عِيْدٍ مَرّ مَا شَافَتْك عَيْنِيْ

    كِثِرْ مَا فِيْ حَيِّكُمْ مِنْ عَابِرِيْنِيْ

    يَا سَنَا طَرْفٍ تِبَهَّى مِنْ بَهَاكْ

    كِثْرِهُمْ أوْ زَوْد مَرَّيْت لْرِضَاكْ

     

    وِالظِّرُوْف اللَّى حِدَتْ بَيْنِكْ وْبَيْنِيْ

    وْ كِلّ رَسْمٍ فِيْ حِمَى ذَاكْ الْقِطِيْنِيْ

    كِلَّهَا مَا غَيِّرتْنِيْ عَنْ هِوَاكْ

    أعْشِقِهْ وَاغْلِيْه كِلِّهْ مِنْ غَلاكْ

     

    بَاقِيْ وْ لِكْ فَوْق ذَا زَايِدْ حِنِيْنِيْ

    وَادْرِيْ إنِّكْ عَارِفٍ وِتْحِسّ فِيْنِيْ

    وَآتِجَلَّدْ بِالصَّبِرْ وَارْجِيْ لِقَاكْ

    وْ لَيْتِيْ أدْرِيْ بِالظِّرُوْف اللَّى تْعَصَاكْ

     

    مَا سِلَيْت وْ لاَ تِنَاسَيْتِكْ لِحِيْنِيْ

    لاجْل اذَلِّلْ كِلّ صَعْبٍ لِكْ وَاهِيْنِيْ

    وَيْن مَا صَدَّيْت أرْسِمْك.. وْأرَاكْ..!

    لاجْل وَصْلِكْ لِيْ يِصِيْر وْمِلْتِقَاكْ

     

    وْ كِلّ يَوْم آقُوْل يَا رَبِّيْ تِعِيْنِيْ

    إنْت لَوْ شَافَتْك عَيْنِيْ تِسْتِزِيْنِيْ

    لَوْ بِصِدْفِهْ ألْتِقِيْ بِكْ فِيْ حِمَاكْ

    دِنْيِتِيْ .. وِيْطِيْب لِيْ وَقْتِيْ مَعَاكْ

     

     

     

     

     

     

     

     

     

     

     

     

     

     

     

     

     

    طباعة Email
    #