إذعني يا ذي القصايد واحكمي القول التمام

وانشري رايات عِزِّك فوق متن الساريات

واحكمي القول بْرِزَانه واعتني له باهتمام

واكتبي عَذْب القصايد لين تِعْلى النايفات

خَل قصيدي يعتلي كل القصايد باحترام

خَلّها توفي المعاني والعلوم الطيّبات

بيت ينْطَحْ بيت مرصوص القوافي بانتظام

وامدحي شيخٍ تَغَلَّبْ عَ الظروف القاسيات

واعتلى اسمه فوق هامات السحايب ثم حام

واعتلى صِيْته وْطِيْبه بالمحاسِنْ والصفات

مرحباً بك يا (محمَّد) يا (ابن راشِدْ) سلام

مرحباً حِيِّيْت يا شوق العذارى المترفات

يا هلا بك مرحباً حِيِّيْت يا نَسْل الكرام

نْتِرَقَّبْ جَيِّتِكْ مِثْل المطَر والأمنيات

مَسْهَلا بك في حَشَانا والقلوب أطْهَرْ مقام

وْمَسْهَلا بك والمحبّه ما توفِّيها غلاة

بيننا الحب مْتِبَادَلْ من أهالينا القِدَام

بيننا حبٍ وْوِدٍ من سنينٍ ماضيات

يا عسى الله يرْحَمْ أهْل الخير وافين الذِّمَامْ

واجبٍ ندعو لهم في كل صلاة وْكل دعاة

ماخِذٍ من عِلْم أبوك الراشد الفَذ الهمام

وْمَاخِذٍ من عِلْم (زايد) كيف حَل المعْضلات

وانت أكْمَلْت المسيره وانت أكْمَلْت المهام

وصارت الدِّيْره قصيده بين سَبْع مْعَلّقات

هي طموحك وانت يا شيخٍ طموحه ما يضام

كَم بنيت، وْكَم وَهَبْت، وْكَم عطيت المكرمات

وكم كِسَيْت، وْكَم سِقَيْت، وْكَم رِهَيْتوا بالتمام

وْكَم رسَمْتوا الابتسامه في عيون الأمّهَات

وفي كتابك (رؤيتي) مَرْجِعْ تنوِّرْ به الظلام

تَهْزِمْ الذِّل وْتِحَارِبْ لين نِلْت مْن الغناة

نِلْت من عِز الشَّرَفْ نِلْت الفَخَرْ نِلْت الوسام

حايزٍ كل الجوايز حتى فوق المسرجات

فَرْحة (البحرين) ما يَوْصِفْ سعادتها كلام

مرحبا بك يا (محمَّد) يا (ابن راشد) مِئَات