صون الوطن يبغي رياييل

تَكْسِرْ خَشِمْ عايِلْ إذا عَال

وامّا لحَى شِرْب الفناييل

حدودها بَس هَز فِنْيَالْ

وياما لحَى لا ما لها حَيْل

يا غير مِسْراحٍ وْمِقْيَال

يا ذا الشباب اللى حلاحيل

حَق الوطَن عَ الراس يِنْشَال

انتو الذخِر وانتو المصاقِيْل

سَم العِدَا يا حَيّ ذا الفال

عْيال (زايد) ما بكم مَيْل

غَرْب (الْعِدَيْد) وْشَرْق وِشْمال

عَسَّافةٍ للصعْب والخَيْل

وفي باسكم كم ضِرْبَتْ أمْثَالْ