ما ادري.. أحِسّ الصيف ويّاك بارد
الشمس باحضانك مطَر ليه؟ ما ادري
فكْرك يطالع لي سما.. كان شارد
جيت وسألتك.. ليه ما جيت بَدْري؟
واخْتِرت ما بين الكواكب (عطارد)
من نَظْرِتِكْ وِلْفوق.. عَرَفْت قَدْري!
فاح العطر بانفاسنا للشوارد
من يوم تكتبني.. وانا الوَرْد حدري!!
ما كانت الفَرْحه مَعِكْ شَي وارِد
نسمة بساتينك شذاها بصدري
نسأل! ونلقى في حكاياتنا رَدّ
نجمك يسامر في الفضا ليل بَدْري
كان الشتا بارِدْ.. وهالصيف بارِدْ
والبَرْدْ في ليلك دفا.. كيف.. ما ادري!