عسى مبروك يوم الفوز حان
لـ (ماجد) شيخنا ذخر الزمان
عسى مبروك فوزٍ يستحقّه
على (الوثبه) تحقَّق له وزان
عسى مبروك فوز رْكابه اللي
لها في السَّبْق منزال وْمكان
(بِنْ حْميدان) ضَمَّرْهن (محمَّد)
لهن عنده نَعَمْ قَدْرٍ وْشان
عطاهن وقته وْجِهْده وْيابَن
الاوايل بين غزلان وْدمان
فهذي (غي) مثل الظبي يا اللى
يفَل مِ القانص وْلا عاد بان
و(عواصيف) اعصفتهن في دقايق
خذَتْه الشوط واصْعَبْ إمتحان
وْأمّا ذي (طَلَبْ) ما يْرِدّها شي
كسوها من عطور الزعفران
وْمِنْ القعدان (جَبْر) وله (شمردل)
مع (الشعَّال) للشاره ضمان
إلى (ماجد بن محمد) بشاره
نحمّلها مَعَ ريف اليمان
عسى الناموس فاله وين سار
ويبقى في وِسِطْ خير وْأمان
طَلَبْت الخالق الرازق يديمه
لنا (ماجد) على طول الزمان