شعر: ناصر الشفيري

جيشك غزا واسْتَسْلِمَتْ له جنودي

وكلّي تِقَبَّل غزوتِك بالمحافِلْ

فوضى (عراق) تْموج داخل حدودي

وِشْ حَيْل جيشي دام جيشك جَحَافِلْ

تعال قَبْل الشَّيْب ينْخِرْ بعودي

تَعَالْ راح العمر لا تْصير غافِلْ

زَيِّنْ حياتي واوْف باقي وعودي

أيتام جوفي تحتري مِنْك كافِلْ

ياما احتريتك لين ذِبْلَت ورودي

وياما تخَطّتْني جميع القوافِلْ

وياما بكيْتِكْ لين ضِمْرَتْ خدودي

وياما سهَرْتِكْ بالدعا في النوافِلْ

تعال واستَقْبِلْ طلايع وفودي

يكفي من اللي مَرّ ما كِنْت جَافِلْ

لا تنسحب ينهي رحيلك وجودي

نجمي سطَعْ يكفيه ما فات آفِلْ