يا نديم الروح قلبك من حجَر

لا تسَمَّعْ بي كلام العاذلين

يوم شِفْتِكْ شِفْت هالدنيا سفَر

مغرمٍ بك ملتزم طول السنين

بات قلبي في لظى نار الجمر

وابْدَعْ حْروفي وْرَبْعي نايمين

لى خدوده مثلما فوع الزهر

والدعايا يسلبن عقلٍ حصين

نِحْت من كِثْر الترجِّي والصبر

والهوى يجرح قلوب العاشقين

ثَر صواب الحب يَرِّث لك خطَر

قِدْ سليت وْ رَد بي ساعه وْحِيْن

طعم ريقي مثلما طعم الصبر

طول ليلي واتقَلَّى بالونين

الشِّعِر صوبك شرى موي البَحَر

لو تحاوِلْ ما تردِّه باليدين

ْ

هايمٍ به في تماثيل الصِّغِر

يوم كِلٍ في هواهم غافلين

انتجي م اللولو قْمَاش الغِزِرْ

واختفي عَنْهم ولا شَيٍ يبين