يا احلى خبر في يوم جمعه وْينذاع
أجْمَل خبر يا فرحة اللى يذيعه
مبروك يا رمز اشْتَهَرْ فيه (فَزَّاعْ)
يا ناصر المظلوم وانته فزيعه
وْمَبْروك يا (مكتوم) يا سَنْع الاطباع
يا عِز سبع مْحَصَنَّاتٍ منيعه
فيكم أمَلْ من حَط الامال ما ضاع
أنجال من شعبه لحبّه يطيعه
صيته طغى عَ كل محفل بالابداع
شوفه جمال مْكَوِنَّاتْ الطبيعه
في مَدْح ذاته لي ترى الشِّعر ينصاع
وِيْطيعني طوع الذلول المطيعه
وقت الرخا قلبه مقيظٍ وْمرباع
وْوَقْت الشدايد له علومٍ مريعه
هذا (محمَّد) راسخ بْكل الاسماع
راعي الخطاوي الثابتات السريعه
له الولا وِمْبَايَعٍ له بالإجماع
على كتاب الله وْحِكْم الشريعه
عَ الحق ثابت موقفه قَط ما شاع
الكل يشْهَدْ له وْرَبَّه شفيعه