مبروك يا نخوة وطنّا يا (حمدان)
وْمَبْروك يا عِزْوَة وطَنَّا يا (مكتوم)
أنجال شيخٍ للملا صار عنوان
في هالبشَرْ نادر وْشَرْواه مَعْدوم
ما اظن في هذا الزمن يظْهَرْ انسان
مثله وْمن غيره إلى الطوله يْشوم
(محمّد) الفخر الذخر فِعْله يْبان
ظاهر وتعجز عن فعايلْه اْلِقْروم
راعي فخَر راعي عزايم وْإيمان
يا اهل الوطن من هو على عزمه يْروم
من هو حَرَثْ لِجّ الغبايب وْربّان
في بَحْره وْبَرّه عجيدٍ وْجيدوم
أنشى وْعَلَّى صَرْح وِشْموخ بِنْيَان
منهج حداثه يثمر أفكار وِعْلوم
العود من بذْره نما وْفَرَّعْ أغصان
عجْبه كثيف الظل وِيْفوع مَشْموم
خَيَّم سمانا غيم وِتْسيل وِدْيَان
وَسْمي وكثَّفْ جونا غيم وِرْدوم
هذي تهاني زَفّها نسل (ذيبان)
جدوى معازيبه عسى عِزّهم دوم