شعر: راشد آل سالمين

من هو الذي من بين هالناس أنا اغليه

ومن هو الذي لا ضاق صدري نصيته

ومن هو الذي لا مَرّ ذِكْرِه وطاريه

ما اقبض أنا شْعوري سوى عند بيته

ومن هو الذي لا من دعى قِلْت لَبّيه

وِيْرِدّ: يا لَبّيه لا من دعيته

أكيد من حبّه خذا قَلْب راعيه

قفّي بقلبي يوم أنا له عطيته

أفديه طول وعَرْض وش لون ما افديه

أنا.. وْرَبّي لو يبيني فديته

اللى شواني حبّه الله يشويه

شَيّ (الجراده) يوم أنا ما اشتويته

لَبَّى عيونه والكِحِل حول جفْنيه

وْلَبّيه يا سِلْهَامِتِه يوم رَيْته