يا نسل (راشد) يا (بوراشد) سلام

لِكْ وْمِنّي صوب شخصك باندبه

يا رفيع الجاه دايم عَ الدوام

تنطرى بالخير دون مْناسبه

أسمك وْفِعْلك رفَعْ لِلْمجد هام

تنتبه لو هو تغلَّق منتبه

شيخ سامي من نسل ناسٍ كرام

(آل مكتوم) الأكارم منسبه

ممتطي للحكم من أعلى سنام

كل منصب يرتفِعْ به منصبه

(نايب الرَّيِّس) وْلِكْ كل احترام

من شعوب الأرض شَرْق وْمَغْربه

(رَيَّس المَجْلس) وفي نهجك لزام

استراتيجي مسارك مطلبه

حاكمٍ لِ« (دْبَي) وِ (دْبَي النظام)

عسكري والطبع قدوه نحسبه

ومن قَبِلْ هذا وْلِكْ بين الأنام

عِز قَدْر وْلِكْ من الله موهبه

حِزْت في شخصك من المولى وسام

وفي المكانه حِزْت أعلى مَرْتبه

شعبك يْحِبّك محبّة مستهام

ذا وْلِكْ في الحكم أعظم تجربه

ساسها (راشد) وْسَيَّرْهَا عَوَام

شَلَّهَا عالي معالي مَنْكبه

يَعْل ريضان الجناين له مقام

ما تَرَكْ عقبه دياره مِتْربه

تم مَنْظومي وْ في مِسْك الختام

ساسها (مْحَمَّدْ) وْوَاصَل موكبه