شعر: عقاب الربع

(أبرار).. يا حبّها هالبِنْت للغَشْمَرَه

تذبّ ذبّاتها واشعِر بقلبي نما

عصفورة الما .. ونَبْتَه طاهره مثمرَه

غَيْمَه من الحِسْن.. حِسْنٍ من غيومه همى

هديلها للنوايا عَفْوٍ لْمقدره

يحسّها لو تِرِفّ عْصَيْر حتى العمى

آخر هدوءٍ .. تهادَت به .. عجِزْت أنْكره

صمتي وراء الصفوف المظلمه حينما:

قالَتْ: وِشْ الحِلْم؟ وِيْديها على التذكره

قِلْت: انّي أكْتِبْ على أيّة تذكرة سينما

الحِلْم ما يرجو التخمين والمعذره

يطير.. وقْلوبنا جنحان له .. كلّما

نشوفنا المشهد الحَيّ ونبي نحضره

نهدي الأَراضين يَدّين وْنجوب السما

بِقْلوبنا.. نجعَل الأجوا تجي ممطره

ظلْما وعادي يَ .. لو هالشوق فَزّ وْنما