العطر المتفتِّح

القَلَمْ لا من تهيَّضْ يستفيض المحبره

فاحت عْطور المحبّه واندَرَجْ فوق السطور

يكتب أسرار المحبّه والمشاعر مُجْبَرَه

دامني لا من ذِكَرْتِكْ عالَمْ أشعاري يثور

تاخِذْ الخافق حلالك فَدْوتك لو تَدْمرَه

يا عسى قلبٍ يحبّك فدوة الطرف الفتور

شاعِرِكْ لا من تهيَّضْ واندمَجْ فيك اعذره

لانّك بْكل القصايد ما لك زْمَام الأمور

الحلا مِنْك ابتدا بك وانتهى فيك أشْهَره

إعْذِرْ اللب بْجمَالك يا بَعَدْ كل الحضور

الزَّهَرْ باوَّل بياضه يعشقك لين أحمره

والزَّهَر لو ما قطفته ينْفِتِحْ لاجلك عطور

ما بقى سِرّ بْجمَالِك شاعِرَكْ ما يشعره

لكن الشيّ الحقيقي بالحلا ما انت مْحَصور

أشْكِرْ اللي خَصّني بك دايم الدوم أشكره

ما تبي دامي هويتك أصبح العَبْد الشكور