مِ العام جَرْحه وسْط قلبي ماكِن

مَاثِّرْ على حالي وْعَ النفسيّه

ْ

يا عْيون طيفه لا ضوَيَ يغْشَاكِن

خَلّوه بِعْيوني ينام شْويّه

ْ

لاْنّ الغلا هَنّاه ما هَنّاكِن

ولاْنّ الوفا مِنّي وطَبْعٍ فِيّه

ْ

حبيب لا جَنّ الدجى مَسَّاكِن

والاَّ الجفا ما فيه لي ماويّه

ْ

واذا غيابه يا عيون أبْكَاكِن

ما يبكي الغالي سوى غاليّه

ْ

لو كان تَيَّارْ الغرام أخْطَاكِن

ما كان سَلّمْتِه زمام يْدَيّه

ْ

سوالفه بين الحنايا شاكَن

وسوالفي دايم معَه عَفْويّه

ْ

إن قِلْت: أحبّك قال: أحبّك لكن

أحْلامنا ما تَمْلِكْ الحريّه

لَبّيه يا حبٍ بقلبي ساكِن

ما هَزّه الفَرقى وَلا طاريّه

ْ

الجَوّ من دونه تعيس وْداكِنْ

ما فيه لا لَذّه وَلا حِنّيّه