حَمْدَان وِلْد راشِدْ بِن سْعِيد

وِلْد الَّذِي طابت شِمَايِلْه

وِلْد الَّذِي ذِكْرَهْ مِن بْعِيد

يْشِع نورٍ مِنْ فِعَايِلْه

ْ

باسِطْ كفوفَهْ كالَّذِي نْحِيد

يَنْفِقْ يِميْن وْمِنْ شِمَايِلْه

يا حَي ذِيْكِ الإيْدِ مِنْ إيد

فِيهَا عِيُون الْخَير سَايِلْه

ْ

يا مَا امْسحَتْ مِنْ هَمٍ شْدِيد

طاغِي عَلَيْ لِفْواد صايِلْه

ْ

ويا ما سِقَتْ واطْفَتْ مِنِ وْقِيد

ويَا مَا حِمَتْ مِنْ حَرْ قايِلْه

نِذْكِرْهِ فِكْرٍ صايِبٍ سْديد

وموقف لنا فِ ظْروف هايِلْه

ْ

عِشْنا فْـ ظلّه وَقْتٍ سْعيد

والِدْ كِريم وْرَب عايِلْه

ما ينِّسى راشد بن سْعيد

أبْداً ولا نِنْسَى جِمَايِلْه

أعطى الَّذي مَا فوقَهِ مْزِيد

ومن هُو الِّذِيْ سَوَّى فَعَايِلْه

ْ

وانْتِه نِدَى تِخْضَلْ بِكِ الْبِيد

فِيك الخِلِقْ زايِدْ فِضَايِلْه

طالِعْ كَمَا يِبْغيكِ وِيْرِيد

صَمْتِ وْحِيا واضِحْ كِمايِلْه

ْ

وفِعْلِكْ ظَهَرْ ياضي مِن بْعِيد

ينْفَحْ كَمَا وَرْد فْ خِمَايِلْه

ْ

آثار خَيْرِكْ دايم تْزِيد

كالنَّهْر فايِضْ مِنْ نَوايِلْه

ْ

يَطْمِي الوَعَرْ والسَّهلِ وِصْعِيد

وتازِمْ مِنِه الْودْيَان سَايِلْه

ْ

تَنْفِقْ عَلى الْمحْتَاج يا سِيْد

وتْفِكه مِنْ فَقْر وْغوايِلْه

فِ (افْرِيقيَا) و(آسْيَا) بِتَوْكِيد

يا مَا بِنَيت صْروحْ هايِلْه

ْ

وفِ (أمْريكَا) و(أرُوبَّا) بتحْديد

كِمْ لِكْ مِنَ آثارٍ جلايِلْه

ْ

أدْعُو الذِي بارَكْ لنَا الْعِيد

يْدِيمِه لك أيَّامْ طايِلْه

ْ