تكْثَرْ نجومِكْ بَس ما حولك الضيّ

مبروك لك على الرِتَبْ والمرَاتِبْ

هذي عطايا الله ما قَصْدِنا شَيّ

واللّه ما ندري وش اللّه كاتِب

يمكِن ظمانا من سبَبْ كثرة الميّ

واكبَرْ خطا لا من زعَلْنا نعاتِب

بَعْض الضماير ميّت احساس لو حَيّ

عاتبْ زمان الجور والهَمّ عاتِب

يمكن يموت الحب وِيْعيش بالغيّ

ويمكن يموت الحَرْف بِيْدين كاتِب

بَعْض المواجع نَزْفها يقبل الكَيّ

والبَعْض تاخِذْ من أساها مراتِب