يحْفَظْك رَبٍ ساق فضلك غنيمه

ومن خَلّفك يجزى ثوابٍ وْغفران

فعلك قهَر صعْب الظروف الأليمه

أكسى لياليها الفَرَحْ عقب الاحزان

نوّرْت ساحات الدروب العتيمه

أكرمتهم يا صاحب الجود باحسان

انتم لَهَا يا اهل اليمين الكريمه

مَدَّاتها جَزْله على مَر الازمان

أفكاركم ترسي بحكمه عظيمه

وافضالكم جود وْكرامه وْصفطان

نَهْجك يا (بوراشد) معاني وْشِيْمه

يا (محمّد المكتوم) لولاك ما كان

ينشد على عون الضعيف بْعزيمه

للمجد تاريخ وْحقايق وْعنوان

خيرك يعِمّ وْغَزْل فكرك بريمه

يمناك جادت صِنْعته فَن واتقان

عزم وْإراده ما تعَرْف الهزيمه

تشعل ظلام الياس حكمه وْبرهان

يَعْل المسَّره يا (محمّد) لزيمه

لك وين ما حَلّيت يا نور الاوطان

الله يَغْنينا بْوفاك وْيديمه

وِيْسِر بالك بالتوافيق ربحان

ما دامني يا شيخ بارضك مقيمه

لَحْظَاتها تسوى معي غالي أثمان

لا هِنْت يا راعي النوايا السليمه

ولا هان كَفٍ قَدَّمْ العون لا هان

يا عون من ذاق العنا والهضيمه

خِلِقْت لِصْعَابْ المهمّات ربّان