يقول اللى جمَعْ فَن القصايد
وْتوَّجْهَا جواهر في دررها
صِدَقْ من قال وانته روح (زايد)
كَرَمْ والطيب واخلاق وْثمَرْها
(أبو خالد) وهو سِيْدٍ وْسايد
على عرش المعزّه في سفَرْهَا
حكيم وْنَظْرتك تسوى قلايد
رجوله في معاني أعتبرها
وأهدي حرفها مثل الشهايد
إذا نالت رضاه وْمن حضَرْهَا
واهَلّي يوم أهَلِّيْ في جدايد
وأفخر في حروفي وافتخرْهَا
وارحِّبْ به تراحيب العوايد
واجيب الحرف من أقصى بَحَرْهَا
واعَيِّد قبل لا اعايِدْ واعايد
وافَرِّحْ عين لى مَر بْنظَرْهَا
يقود أسرابها والنِّعم قايد
إماراتي لها عز وْقَدِرْهَا
إماراتي وهو في المجد كايد
لك الهيبه من الله يا ذِكِرْهَا