الضيق ضيق القَبْر يا حلوَة الريق

والرَحْب صدري والتناسيم ريقي

الله يجيرك عن شقا سِكّة الضيق

ويْجِبّ ضيقِك بالفَرَجْ مثل ضيقي

لانّي وراسك عن مضايقْك ما اطيق

مثلك أنا من ضيقتي.. ما تطيقي

عَشّيق.. فَرْحك لو سطا الجرح عَشّيق

يا بحْر حبّ وْعنفوانه حقيقي

تلفيق قالوا لك أنا.. اكْرَهْك.. تلفيق

والاّ الحقيقه ميّتٍ فيك.. فِيْقي

فِيْقي لنفسك والمقادير.. توفيق

ما لك وللعِذّال لا.. لا تضيقي

أوعِدْك (أمَرْمِط) بالقَلَم كلّ زنديق

واخِذ بحقّك.. لا.. واطفّي حريقي!