الله ما احلاك وانتْ تْحَرِّكْ أشجاني
كَنّك تعَزْف اللحون وْلا تغنّيها
داعَبْ حديثك عواطف قلبي الحاني
قلبٍ يودِّكْ وروحٍ باح خافيها
وانت اتّدَلَّعْ وقصدك تمْحِنْ إيماني
واللي تولَّع بك الآهات يطريها
عَلّمتك الحُبّ هاك اليوم واعياني
إنّك تريد الليالي سهْد ما فيها
واليوم تبهرني بْعطفك وتدراني
وروح الشقاوي اتَّحَقَّقْ لي أمانيها
صِنْت الغرام العفيف وْلا حَدٍ ثاني
يملا عيوني سواك وْلا يساويها
وانت اكسُجين الفُؤاد وْشِرْبي الهاني
يا الله عسى ما انحِرِمْ شوفَتْك وابكيها