السراب اللي انتبه واحيَيتْ من ذِكْراك ذِكْره

صار كنّه سيل من موق السحاب اللي يظلِّك

وانْ هجَرْك الفِلّ يا فِلّ السنين يْمِلّ عِطْره

وانْ تمادى هالصباح يْصير به صبحين لاجلك

آه يا عِذْر المواعد قِلْت لك يكفيك عِذْره

إنْ قطَعْت الوَصْل كنّك جيت تِحْرِجْني بوَصْلك

ليه يا صِبْح المكان وليه يا ليلي وبَدْره؟

كَنّ ميعادي.. هواجيسي تجي يا ليت عَلّك

تتركْ عْروق الندى الوسنان تتباهى بسِحْره

وليت تَنْحَر هالشموس الباغيَه بِرْموش نَصْلِك

يا (الرجا) يا (الباس) يا ظبي الصدود أعياك هَجْره

خَلّني في نْعاس قلْب وْخَلّني آفاق غِلّك