(مايد بن مْحَمّد) له المَدْح مِطْواع
يرقى الأمور النايفات الصعيبه
وقت اللوازم مثلما سيف لماع
في يد شغمومٍ معايِنْ طليبه
يا سعْد من هو مسنده يوم لِفْزاع
في يوم كِلٍ يعتذِرْ من قريبه
حرٍ تعلَّى نايفة كل مِطْلاع
واخِص (بو محمد) وقولي اعني به
عساه يسلَم وافي الشبر والباع
(مايد) ونحنا كلّنا نعتزي به
شيخٍ يراقي في العلا دوم طَمَّاع
أنا اشهد انّه مِ الرجال الصليبه
ْ
أنجال شيخٍ في الملمّات قَطَّاع
يا الله عسى الافراح تازم نصيبه
ْ
ياللى معوّدهم على طيب الاسناع
سرحان قومٍ في الظروف المهيبه
وعلى يمينه دوم (راشد) و(فَزَّاع)
و(مايد) تيمَّل يوم قاد الكتيبه
له مجلسٍ دروازته سبعة أبواع
ينصونه أشراف القروم النجيبه
له سمعةٍ بين الدول خبرها شاع
من مشرق الدنيا وقاصي مغيبه
وصلاة ربي عد ما هَب ذعذاع
واعداد ما خَط القلم بِتْعريبه