انقضى شَهْر الغياب وطَلّ وجه اعيادي
يبتسم للحب جاني بالوفا المَعْهودِ
يطوي أميال البعاد لْيَسْتِبِقْ ميعادي
ما تعذَّرْ بالظروف ولا خَلَفْ بِوْعودي
يا هلا بك يا هلا روح الغلا وِمْرادي
طَلَّتِك دايم تلازم صحوتي وِرْقودي
كيف لا، وانت الغرام المنتشي بِفْوادي
كيف لا، وانته حياتي كلها وِوْجودي
في الحشا لك يا عيوني حبّ ما هو عادي
حب لو أخفيه صمتي يفْضَحه وِرْدودي
يا ربيع العمر حبّك لي دفا وِبْراد
يجْمَعْ اشتاتي ملاذ وْسلسبيل وْرودي