شعر: نواف الدبل

والله انّي يوم أسولِفْ ما تعمّدْت الإساءه

بس واحد حَدّني .. مِنْه البروده تشتكي

من غباءه ما يسوّي شي يظهر به ذكاءه

هو ذكي لو ما حَدٍ شافه على إنّه ذكي

فاهم الموضوع لكن تنقصه بَعْض الجراءه

ليت من علَّمْه يسْكِت عَلّمَه بَعْض الحكي

انطوائي وسْط عالَم ما تقبّل انطواءه

مجتمعنا ما يحِبّ اللي لوحده متّكي

لو تلومه ألْف مَرّه ما يبيِّن استياءه

ما تعوَّدْ يشتكي لو كان وِدّه يشتكي

الغريب أنّه لَعَبْ دور الطفوله والبراءه

اختطف قلبي ودَبّ الاشتباك المعركي