يا قوّ قلبك على الصّده ويا صَبْرِك
ويا وِسْع صدري على صَدِّك ويا صبري
ْ
ويا طول عمرك بذاكِرْتي ويا كُبْرك
ويا شَيْب عيني باشَيِّبْ عاد ذا كُبري
والله لو ان حِمْل صبري فوقك.. إن تَبْرِك
والله ولو تعتذِرْ ما انت بْـ على خُبْري
ان ما جبَرْك الغلا ما اقدَرْ على جَبْرِك
يا اللي على ارض الوفا ما شِبْرِك بْشِبْري
تزْعَل وتَرْجَع وتلقاني على خُبْرِك
وانا انكسر لك واجيك آدَوِّرْ لْجَبْري
طيفك وْذِكْراك طيلة غيبتك سَبْرِك
وشوقي لشوفَتْك طيلة غيبتك سَبْري
أمْحَق وليف وْ محبّه.. والاّ اقول.. أبْرَك
حسبي عليك أعْشَقِكْ وانت تْحَفِرْ قَبْري