بإيجاز

تحمّل تِجْرَح احساسي تراني حيل حسّاسه

وعِذْرك لو بدا كِذْبه أفضّل قولتِك ناسي

وحِلْمٍ راوَدْ أفكاري شرِبْت مْن الغلا كاسه

لو انّ الطيف راودني أحِسّ الطيف به قاسي

دخيل عْيونك إهديني شعور الوِدّ وِلْبَاسه

ولا تخْنِقْ شعورٍ له وتكْسِر بالهوى باسي

أخاف وْيتْلِفْ أعصابي فراقٍ تقْرَع أجراسه

لو أنّه مَرّ في بالي خطيرٍ يكْتِمْ أنفاسي

رهيف الحِسّ وش رايك يصيبه داه من ناسه

رصيدي بالغلا منّك لاْ تَرْحل واعْلِنْ إفلاسي

تغلَّى والغلا لاجْلِك.. وانت مْن الغلا قاسه

مَلَكْت الحِسّ وِشْعوره وحبٍ بالحشا راسي

زعيم العِشقْ لا تجني على المعلوق من ساسه

وخَلّ العين تِتْهَنَّى مَعِكْ في حِلْمَهَا الماسي

مي الحبابي