ما عاد تنفَعْني الوَصْفات يا مْعَلِّم
وَلا النصايح تطمِّنْ روح مَخْطوره
ْ
أخاف لا احْتَدّ وارْفَعْ صوت مِتْألِّم
اللي بنى شَيّ غالي وانْهِدَمْ دوره
ْ
أو انّي آموت دون أحكي ولا اعَلِّم
يبقى قصيدي يكَمِّلْ باقي الصوره
ْ
أو أنّي آعيش بَس أسْمَعْ وْمِتْبَلِّم
وْيَشْمِتْ عَلَيّ الحسود وْيَظْهِرْ سْروره
ْ
أنا تِتَلْمَذْت لين أصْبَحْت مِتْعَلِّم
أداوي الجَرْح لين أسطي على جوره
ْ
بَس انّي اليوم كَنّي قِمْت مِتْحَلِّم
يا الله عسى خير والأحوال مَسْتوره
ْ
الشمس غابت وْدربي موحِش مْظَلِّم
واللي سطَعْ في الحنايا طافيٍ نوره
ْ
قِدْ له سِنِهْ ما سَأَلْ عَنّي ولا كَلَّم
مْسَكِّرْ الخَط والأرقام مَحْظوره
ْ
وانا آتِنَشَّدْ عليه ودايم آسَلِّم
وان مَرّ طاريه والآهات مَحْشوره
ْ