ألا يا مزمل أبيات القصايد
تعنّى مِسْرِعٍ للشيخ (مايد)
وْقِلْ له يا طويل العمر مِنّي
وصَلْت أهديك أبياتٍ جدايد
زَهَتْ باسمك يا (مايد بن محمد)
وْنِعْم مْعَزّبي راعي العوايد
كريمٍ والكَرَمْ من نَبْع ذاتك
واذا توعد توفّيها الوعايد
ولا ينلام من يمْدَحْ سموّك
لأنّك قايدٍ من نسل قايد
محمد ابن راشد يشهدوا له
على فعله ترى العالَمْ شهايد
مواقف له أبَدْ ما عاد تنسى
إذا بْوقت الرخا والاَّ الشدايد
سديد الراي له نظره بعيده
(أبو راشد) في عهده الخير سايد
رقى بِـ (دْبي) في أرقى مكانه
عسى عمره عسى سْنينٍ مدايد
وأنته مع اخوانك في طريقه
سلكتوا دَرْب بالخيرات عايد
لكم بين الملا قَدْرٍ وطاري
رقيتوا العِز والمجد بْوكايد
سلام الله عليكم يا شيوخ
بقيتوا لْدارنا عون وْسَنايد
ٍ
ولك يا مْعَزّبي مِنّي تحيّه
بريح العود وِعْطورٍ فرايد
وادعي خالقي يحميك دايم
وعساها يا عسى دْروبك سدايد
وارجو العذر لو بالقول زَلّه
وْمِنْك المعذره يا الشيخ (مايد)