شعر: عبيد بن سالم الكعبي

يا شِبْل يا نَسْل الرجال الميامين

هذي وصيّه لك وْخِذْهَا نصيحه

إحْذَرْ يغرّك ناقص العَقْل والدين

واتْرِكْ غثيث القول واسْمَعْ صحيحه

واتْبَع طريق الحَقْ والعدل واللِّين

واحْفَظْ لسانك للهَذِرْ لا تبيحه

كم واحدٍ تلقاه يختال وِيْهين

ناسٍ تسامَتْ بالفعال المليحه

حتى غدا حديث أهْل الدواوين

كِثْرة علومه خَلّته كالنطيحه!!

تسمَع حكي فيه السّنَدْ والأيامين

وْيِخْدَعْك ظَنّكْ في المقاله الصريحه

ولى حَقّتْ الوقفاتْ أفعاله تْبين

سراب ما تاخِذْ مِنِهْ غير سيحه

ولى ما طروه النّاس بالزين والشين

هذاك ما عايَنْ دروبٍ فسيحه

الزّينْ من ناسٍ تربَّتْ على الزينْ

والشين من أهل القلوب الشحيحه

الناس فيهم مغرضين وْمودّين

والبعض منهم له فعَالٍ قبيحه

والمعذره يا اهل الوفا والمحبين

هذا الذي فاضت بنَظْمه القريحه