تحيّه طيّبه وْبَعْد التحيّه

أحَيِّي قلبك القاطِع وصاله

مضَتْ أيّام بك.. وامْضَتْ عليّه

سَهَر، وِدْموع، وِهْموم، وْعباله

خَذاك الوقت أو قصدك أذيّه

أو انت بْرَهْن حالٍ ما تطاله؟!

خَذاني لك وَلَهْ نفسٍ شجيّه

حنان، وْشوق، وِدْروب، وْرساله

أسال الناس عنّك.. وانت فِيّه

واهاذي بك تلايا الليل دَالِه

ذبَحْت القلب، والطَّرْف، وْصِبِيّه

وزولك ذابِح الفِكْر.. وْخياله

ألا وينك!! تعال، وحِسّ بيّه

أعاني من غيابك.. واحتماله

بغيت أعْرِفْ حياتك كيف هِيّه

عساك بْخير، واطياب، وسهاله